قصور(سید خرم شاہ سے) وارئیر گروپ آف لائرز نے قصور بار ایسوسی ایشن کے جنرل سیکرٹری کے عہدے کے لیے آزاد امیدوار ملک بلال احمد خاں کی باقاعدہ حمایت اور اناؤنسمنٹ کر دی۔ اس موقع زاہد بیگ ایڈووکیٹ، ثاقب غفور ایڈووکیٹ،چوہدری سلیم ایڈووکیٹ،ملک شعبان ایڈووکیٹ، راشد ایڈووکیٹ، ملک رشید نول ایڈووکیٹ، مبین ایڈووکیٹ، عاصم سرفراز ایڈووکیٹ، شہباز ایڈووکیٹ، طارق ضیاد ایڈووکیٹ، عمیر احمد بھٹہ ایڈووکیٹ نے آزاد امیدوار کو اناؤنس کیا اور منعقدہ اجلاس سے خطاب کرتے ہوئے مقررین نے کہا کہ آنے والا وقت نوجوان وکلاء کا ہے اور ینگ وکلاء کو مزید نظر انداز نہیں کیا جا سکتا۔مقررین نے کہا کہ وکلاء کا ووٹ ہر سال استعمال ہو جاتا ہے جبکہ فیصلے چند مخصوص گروپس کرتے ہیں۔ اب وقت آ گیا ہے کہ وکلاء خود اپنے حق کا فیصلہ کریں کیونکہ ووٹ وکلاء کا ہے مگر حق کوئی اور لے جاتا ہے۔آزاد امیدوار ملک بلال احمد خاں نے خطاب کرتے ہوئے کہاکہ اکیلا ہی چلا تھا جانبِ منزل، لوگ ملتے گئے، کارواں بنتا گیا۔”انہوں نے کہا کہ قصور بار میں صرف دو گروپس ہی نہیں بلکہ آزاد امیدوار بھی موجود ہیں جو وکلاء کی حقیقی نمائندگی کرنا چاہتے ہیں۔ملک بلال احمد خاں نے اس عزم کا اظہار کیا کہ منتخب ہو کر قصور بار کی فلاح و بہبود، نوجوان وکلاء کے حقوق کے تحفظ اور بار میں شفاف نظام کے قیام کے لیے بھرپور جدوجہد کریں گے۔ مقررین نے مزید کہا کہ بار میں ریپیٹرز کے تسلط کا خاتمہ اور حقیقی تبدیلی ناگزیر ہو چکی ہے۔