ننکانہ صاحب (زاہد اعوان) سیلاب سے متاثرہ علاقوں مکینوں میں المصطفیٰ ویلفیئر سوسائٹی کے زیر اہتمام200 افراد میں راشن تقسیم کیا گیا جبکہ 100 من سے زائد جانوروں کا چارہ تقسیم کیا گیا۔ ہم مشکل کی اس گھڑی میں اپنے سیلاب متاثرین بھائیوں کیساتھ شانہ بشانہ کھڑے ہیں وہ اپنے آپ کو تنہا مت سمجھیں ہم ملکر ان کی مشکلات کو کم کریں گے-
ننکانہ صاحب صدر ضلع ننکانہ المصطفیٰ ویلفیئر سوسائٹی میاں ضیاء المصطفیٰ نے دریا راوی ہیڈ بلوکی کے مقام پر سیلابی پانی نے 121 دیہات اور وہاں پر رہنے والے 36 ہزار سے زائد افراد گھروں حویلیوں اور 40 ہزار ایکڑ سے زائد رقبہ پر کاشت کی گئی فصلوں کو تباہ کیا جس کی وجہ سے لوگوں کو شدید مشکلات کا سامنا کرنا پڑ رہا ہے۔ المصطفیٰ ویلیفئر سوسائٹی کے زیر اہتمام 200 سے زائد سیلاب سے متاثر افراد میں چنی، چائے کی پتی ، رس ، دودھ ،سمیت دیگر کھانے پینے کی چیزیں تقسیم کی اور جانوروں کیلئے 100 من سے زائد چارہ اور سائیلش تقسیم کیا۔
اس موقع پر ضلعی صدر المصطفیٰ ویلفیئر سوسائٹی میاں ضیاء المصطفیٰ نے کہا کہ نہ صرف راشن بلکہ متاثرہ افراد کی رہائش کیلئے خیمے ہیلتھ کیمپ سمیت متاثر افراد کو فری میڈیسن بھی فراہم کی جارہی ہے ہماری تنظیم جہاں بھی قدرتی آفات ہو ہر جگہ پر عوام کی بڑھ چڑھ کر مدد کرتی ہے اور خدمت کا یہ سلسلہ ہمیشہ جاری رہے گا-